humne kisi ki yaad mein aksar sharab pi

ham ne kisī kī yaad meñ aksar sharāb pī

pī kar ġhazal kahī to mukarrar sharāb pī

yādoñ kā ik hujūm thā tanhā nahīñ thā maiñ

sāhil kī chāñdnī meñ samundar sharāb pī

muddat ke baa'd aaj maiñ office nahīñ gayā

ḳhud apne saath baiTh ke din bhar sharāb pī

is cocktail kā to nasha hī kuchh aur hai

ġham ko ḳhushī ke saath milā kar sharāb pī

vaise to ham ne pī hī nahīñ thī kabhī sharāb

piine lage to vajd meñ aa kar sharāb pī

ab kaun jā ke sāhib-e-mimbar se ye kahe

kyuuñ ḳhuun pī rahā hai sitamgar sharāb pī

hum ne kisi ki yaad mein aksar sharab pi

pi kar ghazal kahi to mukarrar sharab pi

yaadon ka ek hujum tha tanha nahin tha main

sahil ki chandni mein samundar sharab pi

muddat ke ba'd aaj main office nahin gaya

KHud apne sath baiTh ke din bhar sharab pi

is cocktail ka to nasha hi kuchh aur hai

gham ko KHushi ke sath mila kar sharab pi

waise to hum ne pi hi nahin thi kabhi sharab

pine lage to wajd mein aa kar sharab pi

ab kaun ja ke sahib-e-mimbar se ye kahe

kyun KHun pi raha hai sitamgar sharab pi