haal-e-marg-e-be-kasi sun kar asar koi na ho
hāl-e-marg-e-be-kasī sun kar asar koī na ho
sach to ye hai aap sā bhī be-ḳhabar koī na ho
haa.e dushman dekheñ un ke uThte jauban kī bahār
haa.e maiñ koī na huuñ merī nazar koī na ho
is tamannā par kaTe marte haiñ mushtaqān-e-qatl
yaar par qurbān ham se peshtar koī na ho
vo qayāmat kī ghaḌī hai tālib-e-dīdār par
jab uThe pardā to parde ke udhar koī na ho
ishq meñ be-tābiyāñ hotī haiñ lekin ai 'hasan'
jis qadar bechain tum ho us qadar koī na ho
haal-e-marg-e-be-kasi sun kar asar koi na ho
sach to ye hai aap sa bhi be-KHabar koi na ho
hae dushman dekhen un ke uThte jauban ki bahaar
hae main koi na hun meri nazar koi na ho
is tamanna par kaTe marte hain mushtaqan-e-qatl
yar par qurban hum se peshtar koi na ho
wo qayamat ki ghaDi hai talib-e-didar par
jab uThe parda to parde ke udhar koi na ho
ishq mein be-tabiyan hoti hain lekin ai 'hasan'
jis qadar bechain tum ho us qadar koi na ho
- Book : Intekhab-e-Sukhan(Jild-2) (Pg. 133)
- Author : Hasrat Mohani
- Publication : uttar pradesh urdu academy (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
