hae logon ki karam-farmaiyan
haa.e logoñ kī karam-farmā.iyāñ
tohmateñ bad-nāmiyāñ rusvā.iyāñ
zindagī shāyad isī kā naam hai
dūriyāñ majbūriyāñ tanhā.iyāñ
kyā zamāne meñ yuuñ hī kaTtī hai raat
karvaTeñ betābiyāñ añgḌā.iyāñ
kyā yahī hotī hai shām-e-intizār
āhaTeñ ghabrāhaTeñ parchhā.iyāñ
ek rind-e-mast kī Thokar meñ haiñ
shāhiyāñ sultāniyāñ dārā.iyāñ
ek paikar meñ simaT kar rah ga.iiñ
ḳhūbiyāñ zebā.iyāñ rānā.iyāñ
rah ga.iiñ ik tifl-e-maktab ke huzūr
hikmateñ āgāhiyāñ dānā.iyāñ
zaḳhm dil ke phir hare karne lagīñ
badliyāñ barkhā ruteñ purvā.iyāñ
dīda-o-dānista un ke sāmne
laġhzisheñ nākāmiyāñ paspā.iyāñ
mere dil kī dhaḌkanoñ meñ Dhal ga.iiñ
chūḌiyāñ mausīqiyāñ shahnā.iyāñ
un se mil kar aur bhī kuchh baḌh ga.iiñ
uljhaneñ fikreñ qayās-ārā.iyāñ
'kaif' paidā kar samundar kī tarah
vus.ateñ ḳhāmoshiyāñ gahrā.iyāñ
hae logon ki karam-farmaiyan
tohmaten bad-namiyan ruswaiyan
zindagi shayad isi ka nam hai
duriyan majburiyan tanhaiyan
kya zamane mein yun hi kaTti hai raat
karwaTen betabiyan angDaiyan
kya yahi hoti hai sham-e-intizar
aahaTen ghabrahaTen parchhaiyan
ek rind-e-mast ki Thokar mein hain
shahiyan sultaniyan daraiyan
ek paikar mein simaT kar rah gain
KHubiyan zebaiyan ranaiyan
rah gain ek tifl-e-maktab ke huzur
hikmaten aagahiyan danaiyan
zaKHm dil ke phir hare karne lagin
badliyan barkha ruten purwaiyan
dida-o-danista un ke samne
laghzishen nakaamiyan paspaiyan
mere dil ki dhaDkanon mein Dhal gain
chuDiyan mausiqiyan shahnaiyan
un se mil kar aur bhi kuchh baDh gain
uljhanen fikren qayas-araiyan
'kaif' paida kar samundar ki tarah
wusaten KHamoshiyan gahraiyan
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
