ghuTan azab-e-badan ki na meri jaan mein la
ghuTan azāb-e-badan kī na merī jaan meñ lā
badal ke ghar mirā mujh ko mire makān meñ lā
mirī ikaa.ī ko iz.hār kā vasīla de
mirī nazar ko mire dil ko imtihān meñ lā
saḳhī hai vo to saḳhāvat kī laaj rakh legā
savāl arz-e-talab kā na darmiyān meñ lā
dil-e-vajūd ko jo chiir kar guzar jaa.e
ik aisā tiir tū apnī kaḌī kamān meñ lā
hai vo to hadd-e-giraft-e-ḳhayāl se bhī pare
ye soch kar hī ḳhayāl us kā apne dhyān meñ lā
badan tamām usī kī sadā se guuñj uThe
talātum aisā koī aaj merī jaan meñ lā
charāġh-e-rāhguzar laakh tābnāk sahī
jalā ke apnā diyā raushnī makān meñ lā
ba-rañg-e-ḳhvāb sahī saarī kā.enāt 'akbar'
vajūd-e-kul ko na andesha-e-gumān meñ lā
ghuTan azab-e-badan ki na meri jaan mein la
badal ke ghar mera mujh ko mere makan mein la
meri ikai ko izhaar ka wasila de
meri nazar ko mere dil ko imtihan mein la
saKHi hai wo to saKHawat ki laj rakh lega
sawal arz-e-talab ka na darmiyan mein la
dil-e-wajud ko jo chir kar guzar jae
ek aisa tir tu apni kaDi kaman mein la
hai wo to hadd-e-giraft-e-KHayal se bhi pare
ye soch kar hi KHayal us ka apne dhyan mein la
badan tamam usi ki sada se gunj uThe
talatum aisa koi aaj meri jaan mein la
charagh-e-rahguzar lakh tabnak sahi
jala ke apna diya raushni makan mein la
ba-rang-e-KHwab sahi sari kaenat 'akbar'
wajud-e-kul ko na andesha-e-guman mein la
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
