galiyan jhakin saDken chhanin dil ki wahshat kam na hui

galiyāñ jhākīñ saḌkeñ chhānīñ dil kī vahshat kam na huī

aañkh se kitnā laavā ublā tan kī hiddat kam na huī

Dhab se pyaar kiyā hai ham ne us ke naam pe chup na hue

shahr ke izzat-dāroñ meñ kuchh apnī izzat kam na huī

man dhan sab qurbān kiyā ab sar kā saudā baaqī hai

ham to bike the aune-paune pyaar kī qīmat kam na huī

jin ne ujāḌī dil kī khetī un kī zamīneñ ḳhatm huiiñ

ham to ra.iis the shahr-e-vafā ke apnī riyāsat kam na huī

ab bhī itnā tar-o-tāza hai jaise avval din kā ho

vaah re apnī kāvish-e-nāḳhun zaḳhm kī lazzat kam na huī

bāqar' ko tum ḳhuub samajh lo ranjish hai ye dikhāve kī

yuuñ tum se be-zār phire hai dil se chāhat kam na huī

galiyan jhakin saDken chhanin dil ki wahshat kam na hui

aankh se kitna lawa ubla tan ki hiddat kam na hui

Dhab se pyar kiya hai hum ne us ke nam pe chup na hue

shahr ke izzat-daron mein kuchh apni izzat kam na hui

man dhan sab qurban kiya ab sar ka sauda baqi hai

hum to bike the aune-paune pyar ki qimat kam na hui

jin ne ujaDi dil ki kheti un ki zaminen KHatm huin

hum to rais the shahr-e-wafa ke apni riyasat kam na hui

ab bhi itna tar-o-taza hai jaise awwal din ka ho

wah re apni kawish-e-naKHun zaKHm ki lazzat kam na hui

baqar' ko tum KHub samajh lo ranjish hai ye dikhawe ki

yun tum se be-zar phire hai dil se chahat kam na hui