gae the wahan ji mein kya Than kar ke

ga.e the vahāñ jī meñ kyā Thaan kar ke

chale aa.e īrān tūrān kar ke

agar dil kā bil-farz gul naam paḌ jaa.e

to phir hai ye siina gulistān kar ke

diyā ham ne dil un parī-chehragāñ ko

zarū-e-qayās aadmī jaan kar ke

ye duniyā hameñ ḳhush na aa.egī phir bhī

raheñ ḳhvāh ḳhud ko sulaimān kar ke

tire ġham meñ jis se mizha tar karūñ huuñ

vo ik qatra hai qulzumistān kar ke

dikhā hī diyā āḳhirash ahl-e-dil ne

isī daane se khet khaliyān kar ke

ye kyā chiiz tāmīr karne chale ho

binā-e-mohabbat ko vīrān kar ke

miyāñ ham to 'jāved' ko le ga.e the

diyā hī nahīñ us ne pahchān kar ke

gae the wahan ji mein kya Than kar ke

chale aae iran turan kar ke

agar dil ka bil-farz gul nam paD jae

to phir hai ye sina gulistan kar ke

diya hum ne dil un pari-chehragan ko

zaru-e-qayas aadmi jaan kar ke

ye duniya hamein KHush na aaegi phir bhi

rahen KHwah KHud ko sulaiman kar ke

tere gham mein jis se mizha tar karun hun

wo ek qatra hai qulzumistan kar ke

dikha hi diya aaKHirash ahl-e-dil ne

isi dane se khet khaliyan kar ke

ye kya chiz tamir karne chale ho

bina-e-mohabbat ko viran kar ke

miyan hum to 'jawed' ko le gae the

diya hi nahin us ne pahchan kar ke