duniya bhi pesh aai bahut be-ruKHi ke sath
duniyā bhī pesh aa.ī bahut be-ruḳhī ke saath
ham ne bhī zaḳhm khaa.e baḌī sādgī ke saath
ik musht-e-ḳhāk aag kā dariyā lahū kī lahr
kyā kyā rivāyateñ haiñ yahāñ aadmī ke saath
apnoñ kī chāhatoñ ne bhī kyā kyā diye fareb
rote rahe lipaT ke har ik ajnabī ke saath
jañgal kī dhuup chhāñv hī jañgal kā husn hai
sāyoñ ko bhī qubūl karo raushnī ke saath
tum rāste kī gard na ho jaao to kaho
do-chār gaam chal ke to dekho kisī ke saath
koī dhuāñ uThā na koī raushnī huī
jaltī rahī hayāt baḌī ḳhāmushī ke saath
duniya bhi pesh aai bahut be-ruKHi ke sath
hum ne bhi zaKHm khae baDi sadgi ke sath
ek musht-e-KHak aag ka dariya lahu ki lahr
kya kya riwayaten hain yahan aadmi ke sath
apnon ki chahaton ne bhi kya kya diye fareb
rote rahe lipaT ke har ek ajnabi ke sath
jangal ki dhup chhanw hi jangal ka husn hai
sayon ko bhi qubul karo raushni ke sath
tum raste ki gard na ho jao to kaho
do-chaar gam chal ke to dekho kisi ke sath
koi dhuan uTha na koi raushni hui
jalti rahi hayat baDi KHamushi ke sath
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
