dikhati hai jo ye duniya wo baiTha dekhta hun main

dikhātī hai jo ye duniyā vo baiThā dekhtā huuñ maiñ

hai tuf mujh par tamāsha-bīn ho kar rah gayā huuñ maiñ

bas itnā rabt kaafī hai mujhe ai bhūlne vaale

tirī soī huī āñkhoñ meñ aksar jāgtā huuñ maiñ

na kyuuñ hogī mirī bār-āvrī phir dekhne laa.eq

mohabbat kī mahaktī ḳhaak meñ boyā gayā huuñ maiñ

mirī ābādiyoñ meñ chār-sū bikhrā hai sannāTā

hisār-e-ḳhauf se chāroñ taraf bāñdhā gayā huuñ maiñ

rulātī haiñ mirī yādeñ hamesha ḳhuun ke aañsū

kisī nādār pe guzrā huā ik hādsa huuñ maiñ

musalsal hī baḌhā.ī haiñ kisī kī dhaḌkaneñ maiñ ne

musalsal hī kisī ke zehn se sochā gayā huuñ maiñ

virāsat huuñ maiñ ik Dhaltī huī tahzīb kī 'sārim'

kahīñ khoyā gayā huuñ maiñ kahīñ paayā gayā huuñ maiñ

dikhati hai jo ye duniya wo baiTha dekhta hun main

hai tuf mujh par tamasha-bin ho kar rah gaya hun main

bas itna rabt kafi hai mujhe ai bhulne wale

teri soi hui aankhon mein aksar jagta hun main

na kyun hogi meri bar-awri phir dekhne laeq

mohabbat ki mahakti KHak mein boya gaya hun main

meri aabaadiyon mein chaar-su bikhra hai sannaTa

hisar-e-KHauf se chaaron taraf bandha gaya hun main

rulati hain meri yaaden hamesha KHun ke aansu

kisi nadar pe guzra hua ek hadsa hun main

musalsal hi baDhai hain kisi ki dhaDkanen main ne

musalsal hi kisi ke zehn se socha gaya hun main

wirasat hun main ek Dhalti hui tahzib ki 'sarim'

kahin khoya gaya hun main kahin paya gaya hun main