dard-e-dil pas-e-wafa jazba-e-iman hona

dard-e-dil pās-e-vafā jazba-e-īmāñ honā

ādmiyat hai yahī aur yahī insāñ honā

nau-giraftār-e-balā tarz-e-vafā kyā jāneñ

koī nā-shād sikhā de unheñ nālāñ honā

roke duniyā meñ hai yuuñ tark-e-havas kī koshish

jis tarah apne hī saa.e se gurezāñ honā

zindagī kyā hai anāsir meñ zuhūr-e-tartīb

maut kyā hai inhīñ ajzā kā pareshāñ honā

daftar-e-husn pe mohr-e-yad-e-qudrat samjho

phuul kā ḳhaak ke tode se numāyāñ honā

dil asīrī meñ bhī āzād hai āzādoñ kā

valvaloñ ke liye mumkin nahīñ zindāñ honā

gul ko pāmāl na kar la.al-o-gohar ke mālik

hai use turra-e-dastār-e-ġharībāñ honā

hai mirā zabt-e-junūñ josh-e-junūñ se baḌh kar

nañg hai mere liye chāk-garebāñ honā

qaid yūsuf ko zuleḳhā ne kiyā kuchh na kiyā

dil-e-yūsuf ke liye shart thā zindāñ honā

dard-e-dil pas-e-wafa jazba-e-iman hona

aadmiyat hai yahi aur yahi insan hona

nau-giraftar-e-bala tarz-e-wafa kya jaanen

koi na-shad sikha de unhen nalan hona

roke duniya mein hai yun tark-e-hawas ki koshish

jis tarah apne hi sae se gurezan hona

zindagi kya hai anasir mein zuhur-e-tartib

maut kya hai inhin ajza ka pareshan hona

daftar-e-husn pe mohr-e-yad-e-qudrat samjho

phul ka KHak ke tode se numayan hona

dil asiri mein bhi aazad hai aazadon ka

walwalon ke liye mumkin nahin zindan hona

gul ko pamal na kar lal-o-gohar ke malik

hai use turra-e-dastar-e-ghariban hona

hai mera zabt-e-junun josh-e-junun se baDh kar

nang hai mere liye chaak-gareban hona

qaid yusuf ko zuleKHa ne kiya kuchh na kiya

dil-e-yusuf ke liye shart tha zindan hona