chhup ke nazron se in aankhon ki faramosh ki rah

chhup ke nazroñ se in āñkhoñ kī farāmosh kī raah

ab jo aatā hai kabhī dil meñ to vo gosh kī raah

aage juuñ ashk vo rahtā thā sadā pahlū meñ

kyuuñ ab us tifl ne gum kī mirī āġhosh kī raah

kyūñke poñchhegā vo aa kar mire aañsū haihāt

kūche sab ashk se gil haiñ nahīñ pā-posh kī raah

bhar safar naam japūñgā tirā to raah kaTe

yuuñ to tai hogī na us rah-rav-e-ḳhāmosh kī raah

chhoḌ kar kūcha-e-mai-ḳhāna taraf masjid ke

maiñ to dīvāna nahīñ huuñ jo chalūñ hosh kī raah

yuuñ to aatā nahīñ ai kaash mire ghar koī

phere nashshe meñ ġhalat us but-e-mai-nosh kī raah

Das ga.iiñ haa.e mire dil ke ta.iiñ aaj 'baqā'

nāgineñ zulf kī us sar se utar dosh kī raah

chhup ke nazron se in aankhon ki faramosh ki rah

ab jo aata hai kabhi dil mein to wo gosh ki rah

aage jun ashk wo rahta tha sada pahlu mein

kyun ab us tifl ne gum ki meri aaghosh ki rah

kyunke ponchhega wo aa kar mere aansu haihat

kuche sab ashk se gil hain nahin pa-posh ki rah

bhar safar nam japunga tera to rah kaTe

yun to tai hogi na us rah-raw-e-KHamosh ki rah

chhoD kar kucha-e-mai-KHana taraf masjid ke

main to diwana nahin hun jo chalun hosh ki rah

yun to aata nahin ai kash mere ghar koi

phere nashshe mein ghalat us but-e-mai-nosh ki rah

Das gain hae mere dil ke tain aaj 'baqa'

naginen zulf ki us sar se utar dosh ki rah