bayabanon pe zindanon pe viranon pe kya guzri

bayābānoñ pe zindānoñ pe vīrānoñ pe kyā guzrī

jahān-e-hosh meñ aa.e to dīvānoñ pe kyā guzrī

dikhā.ūñ tujh ko manzar kyā guloñ kī pā.emālī kā

chaman se pūchh le nau-ḳhez armānoñ pe kyā guzrī

bahār aa.e to ḳhud hī laala o nargis batā deñge

ḳhizāñ ke daur meñ dilkash gulistānoñ pe kyā guzrī

nishān-e-shama-e-mahfil hai na ḳhāk-e-ahl-e-mahfil hai

sahar ab pūchhtī hai raat parvānoñ pe kyā guzrī

hamārā hī safīna tere tūfānoñ kā baa.is thā

hamāre Dūbne ke baad tūfānoñ pe kyā guzrī

maiñ aksar sochtā huuñ 'vajd' un kī mehrbānī se

ye kuchh guzrī hai apnoñ par to begānoñ pe kyā guzrī

bayabanon pe zindanon pe viranon pe kya guzri

jahan-e-hosh mein aae to diwanon pe kya guzri

dikhaun tujh ko manzar kya gulon ki paemali ka

chaman se puchh le nau-KHez armanon pe kya guzri

bahaar aae to KHud hi lala o nargis bata denge

KHizan ke daur mein dilkash gulistanon pe kya guzri

nishan-e-shama-e-mahfil hai na KHak-e-ahl-e-mahfil hai

sahar ab puchhti hai raat parwanon pe kya guzri

hamara hi safina tere tufanon ka bais tha

hamare Dubne ke baad tufanon pe kya guzri

main aksar sochta hun 'wajd' un ki mehrbani se

ye kuchh guzri hai apnon par to beganon pe kya guzri