ashk aa aa ke meri aankhon mein tham jate hain
ashk aa aa ke mirī āñkhoñ meñ tham jaate haiñ
jab vo kahte haiñ abhī to nahīñ ham jaate haiñ
sikka apnā nahīñ jamtā hai tumhāre dil par
naqsh aġhyār ke kis taur se jam jaate haiñ
koī dam kā hī damāma hai nahīñ dam hamdam
pās-e-anfās nahīñ dam meñ ye dam jaate haiñ
marg-e-ushshāq nahīñ zinda-e-jāved hue
yaar se hone ham-āġhaosh-o-baham jaate haiñ
us jafā-kesh ko hai aaj talāsh-e-ushshāq
shauq-e-dīdār meñ mushtāq-e-sitam jaate haiñ
hind ke ḳhāk-basar 'sāqī' haiñ ahl-e-bātin
ka.aba-e-dil meñ pa.e-tauf-e-haram jaate haiñ
ashk aa aa ke meri aankhon mein tham jate hain
jab wo kahte hain abhi to nahin hum jate hain
sikka apna nahin jamta hai tumhaare dil par
naqsh aghyar ke kis taur se jam jate hain
koi dam ka hi damama hai nahin dam hamdam
pas-e-anfas nahin dam mein ye dam jate hain
marg-e-ushshaq nahin zinda-e-jawed hue
yar se hone ham-aghaosh-o-baham jate hain
us jafa-kesh ko hai aaj talash-e-ushshaq
shauq-e-didar mein mushtaq-e-sitam jate hain
hind ke KHak-basar 'saqi' hain ahl-e-baatin
kaba-e-dil mein pae-tauf-e-haram jate hain
- Book : Kulliyat-e-Saaqi (Pg. e-128 p-125)
- Author : Pandit Jawahar Nath Saqi
- Publication : Pandit Jawahar Nath Saqi (1926)
- Edition : 1926
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
