apni ana ki aaj bhi taskin humne ki

apnī anā kī aaj bhī taskīn ham ne kī

jī bhar ke us ke husn kī tauhīn ham ne kī

lahje kī tez dhaar se zaḳhmī kiyā use

paivast dil meñ lafz kī sañgīn ham ne kī

laa.e ba-rū-e-kār na husn o jamāl ko

mauqa.a thā phir bhī raat na rañgīn ham ne kī

jī bhar ke dil kī maut pe rone diyā use

pursā diyā na sabr kī talqīn ham ne kī

dariyā kī sair karne akele chale ga.e

shām-e-shafaq kī aap hī tahsīn ham ne kī

apni ana ki aaj bhi taskin hum ne ki

ji bhar ke us ke husn ki tauhin hum ne ki

lahje ki tez dhaar se zaKHmi kiya use

paiwast dil mein lafz ki sangin hum ne ki

lae ba-ru-e-kar na husn o jamal ko

mauqa tha phir bhi raat na rangin hum ne ki

ji bhar ke dil ki maut pe rone diya use

pursa diya na sabr ki talqin hum ne ki

dariya ki sair karne akele chale gae

sham-e-shafaq ki aap hi tahsin hum ne ki