agarche waqt munajat karne wala tha

agarche vaqt munājāt karne vaalā thā

mirā mizāj savālāt karne vaalā thā

mujhe salīqa na thā raushnī se milne kā

maiñ hijr meñ guzar-auqāt karne vaalā thā

maiñ sāmne se uThā aur lau larazne lagī

charāġh jaise koī baat karne vaalā thā

khulī huī thiiñ badan par ravāñ ravāñ āñkheñ

na jaane kaun mulāqāt karne vaalā thā

vo mere kāba-e-dil meñ zarā sī der rukā

ye haj adā vo mire saath karne vaalā thā

kahāñ ye ḳhaak ke tode tale dabā huā jism

kahāñ maiñ sair-e-samāvāt karne vaalā thā

agarche waqt munajat karne wala tha

mera mizaj sawalat karne wala tha

mujhe saliqa na tha raushni se milne ka

main hijr mein guzar-auqat karne wala tha

main samne se uTha aur lau larazne lagi

charagh jaise koi baat karne wala tha

khuli hui thin badan par rawan rawan aankhen

na jaane kaun mulaqat karne wala tha

wo mere kaba-e-dil mein zara si der ruka

ye haj ada wo mere sath karne wala tha

kahan ye KHak ke tode tale daba hua jism

kahan main sair-e-samawat karne wala tha