aankh mein aansu ka aur dil mein lahu ka kal hai
aañkh meñ aañsū kā aur dil meñ lahū kā kaal hai
hai tamannā kā vahī jo zindagī kā haal hai
yuuñ dhuāñ dene lagā hai jism aur jaañ kā alaao
jaise rag rag meñ ravāñ ik ātish-e-sayyāl hai
phailte jaate haiñ dām-e-nārasī ke dā.ere
tere mere darmiyāñ kin hādsoñ kā jaal hai
ghir ga.ī hai do zamānoñ kī kashākash meñ hayāt
ik taraf zanjīr-e-māzī ek jānib haal hai
hijr kī rāhoñ se 'akbar' manzil-e-dīdār tak
yuuñ hai jaise darmiyāñ ik raushnī kā saal hai
aankh mein aansu ka aur dil mein lahu ka kal hai
hai tamanna ka wahi jo zindagi ka haal hai
yun dhuan dene laga hai jism aur jaan ka alao
jaise rag rag mein rawan ek aatish-e-sayyal hai
phailte jate hain dam-e-narasi ke daere
tere mere darmiyan kin hadson ka jal hai
ghir gai hai do zamanon ki kashakash mein hayat
ek taraf zanjir-e-mazi ek jaanib haal hai
hijr ki rahon se 'akbar' manzil-e-didar tak
yun hai jaise darmiyan ek raushni ka sal hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
