‎oracle

raat ke sard lab

lafz kahte hai.n

dard kaa sutuu.n

lafz nahii.n patthar nahii.n

patthar nahii.n ko.ii saaya

mahaz dhu.aa.n ban ke u.D jaane vaalaa KHayaal

mire tahliil hote hu.e ho.nTo.n se bahte hu.e

haqiiqii paanii kii tarah

sachchaa.ii kaa lafz

jo mirii Galatiyo.n kaa sabab hai

agar yahii maut hai to mai.n is ke baa'is zinda huu.n

agar yahii sukuut hai to merii aavaaz isii ke baa'is hai

agar yahii yaad-daasht hai to mujhe kuchh bhii yaad nahii.n

mai.n nahii.n jaantaa ki ye lafz mujhe kyaa kah rahaa hai

magar is pe yaqiin rakhte hu.e

KHud ko is ke havaale kar detaa huu.n

kaise jaane.n ki ham zinda hai.n?

vaqt jo mahaz niim-vaa aa.nkho.n se hame.n dekhtaa hai

KHud ko bhii zaahir kar detaa hai

raat ke sard lab

lafz kahte hai.n

dard kaa sutuu.n

lafz nahii.n patthar nahii.n

patthar nahii.n ko.ii saaya

mahaz dhu.aa.n ban ke u.D jaane vaalaa KHayaal

mire tahliil hote hu.e ho.nTo.n se bahte hu.e

haqiiqii paanii kii tarah

sachchaa.ii kaa lafz

jo mirii Galatiyo.n kaa sabab hai

agar yahii maut hai to mai.n is ke baa'is zinda huu.n

agar yahii sukuut hai to merii aavaaz isii ke baa'is hai

agar yahii yaad-daasht hai to mujhe kuchh bhii yaad nahii.n

mai.n nahii.n jaantaa ki ye lafz mujhe kyaa kah rahaa hai

magar is pe yaqiin rakhte hu.e

KHud ko is ke havaale kar detaa huu.n

kaise jaane.n ki ham zinda hai.n?

vaqt jo mahaz niim-vaa aa.nkho.n se hame.n dekhtaa hai

KHud ko bhii zaahir kar detaa hai