musaafir
musaafir
is shahr kaa paanii na piinaa
is kii miThaas me.n bahaar kaa zaa.iqa
tumhe.n hamesha ke liye apnii mohabbat me.n giraftaar kar legaa
us shahr me.n zaraa bhii sustaane ke liye sar jhukaa.oge
to vaqt yahaa.n
saalo.n ke liye ruk jaa.egaa
yaad rakhnaa tumhaaraa raasta abhii tai nahii.n hu.aa
is shahr ke mehmaan gharo.n kii mehmaan-navaazii me.n
apnii manzil na bhuul jaanaa
dhuul me.n aTii pagDanDiyo.n kii KHushii yaad rakhnaa
suno kyaa KHaamoshii hai
is shahr ke farishte bhii a.D chuke hai.n
apne dil ko un kii pahu.nch se bhii duur rakho
daraKHto.n ke kisii jhunD me.n kisii 'aurat ke haath ko bosa mat denaa
bahaar ke mausam kaa KHayaal aa.e to Dar jaanaa
apne maathe par manzil ke nishaan kaa hamesha naqsh qaa.em rakhnaa
apne maGruur ho.nTo.n ko tishna hii rakhnaa
musaafir
is shahr me.n na jaanaa
musaafir
is shahr kaa paanii na piinaa
is kii miThaas me.n bahaar kaa zaa.iqa
tumhe.n hamesha ke liye apnii mohabbat me.n giraftaar kar legaa
us shahr me.n zaraa bhii sustaane ke liye sar jhukaa.oge
to vaqt yahaa.n
saalo.n ke liye ruk jaa.egaa
yaad rakhnaa tumhaaraa raasta abhii tai nahii.n hu.aa
is shahr ke mehmaan gharo.n kii mehmaan-navaazii me.n
apnii manzil na bhuul jaanaa
dhuul me.n aTii pagDanDiyo.n kii KHushii yaad rakhnaa
suno kyaa KHaamoshii hai
is shahr ke farishte bhii a.D chuke hai.n
apne dil ko un kii pahu.nch se bhii duur rakho
daraKHto.n ke kisii jhunD me.n kisii 'aurat ke haath ko bosa mat denaa
bahaar ke mausam kaa KHayaal aa.e to Dar jaanaa
apne maathe par manzil ke nishaan kaa hamesha naqsh qaa.em rakhnaa
apne maGruur ho.nTo.n ko tishna hii rakhnaa
musaafir
is shahr me.n na jaanaa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
