chaman me.n juu.n hii dikhaa.ii hai gul ne shakl-e-vujuud

chaman meñ juuñ hī dikhā.ī hai gul ne shakl vujūd

banafsha us ke qadam par huā hai sar-ba-sujūd

baġhair sāz-o-mai-o-yār mat guzār bahār

ki zindagī kī tarah haiñ ye saat din mādūd

chamak rahī hai zamīñ ḳhushbuoñ se misl-e-falak

ye hai nujūm kī barkat ki tāle'-e-mas’ūd

bahisht ban ga.ī duniyā guloñ ke mausam meñ

magar muhāl hai jab dāḳhila to sab be-sūd

huā savār havā par jo gul sulaimāñ-vār

to murġh-e-sub.h ne chheḌā tarāna-e-dā.ūd

chaman meñ taaza karo rasm-e-dīn-e-zartushtī

jalā.ī laala ne gulshan meñ ātish-e-namrūd

ai kaash majlis-e-'hāfiz' meñ us kī barkat se

jo kuchh vo māñge vo ho jaa.e hāzir-o-maujūd

chaman mein jun hi dikhai hai gul ne shakl wujud

banafsha us ke qadam par hua hai sar-ba-sujud

baghair saz-o-mai-o-yar mat guzar bahaar

ki zindagi ki tarah hain ye sat din madud

chamak rahi hai zamin KHushbuon se misl-e-falak

ye hai nujum ki barkat ki tale'-e-mas’ud

bahisht ban gai duniya gulon ke mausam mein

magar muhaal hai jab daKHila to sab be-sud

hua sawar hawa par jo gul sulaiman-war

to murgh-e-subh ne chheDa tarana-e-daud

chaman mein taza karo rasm-e-din-e-zartushti

jalai lala ne gulshan mein aatish-e-namrud

ai kash majlis-e-'hafiz' mein us ki barkat se

jo kuchh wo mange wo ho jae hazir-o-maujud