Sher on Faasla

phir tujhe aur mujhe aur kahīñ jaanā hai

ham-safar saath to chal jitnī saḌak baaqī hai

phir tujhe aur mujhe aur kahin jaana hai

ham-safar sath to chal jitni saDak baqi hai

ham donoñ ek shahr meñ rahne ke bā-vajūd

milte nahīñ agar to koī ḳhaas baat hai

hum donon ek shahr mein rahne ke ba-wajud

milte nahin agar to koi KHas baat hai

tujh se judā na hoñge ye sochā thā 'umr bhar

ye faisla tirā thā jo ye fāsla huā

tujh se juda na honge ye socha tha 'umr bhar

ye faisla tera tha jo ye fasla hua

kis ne kitnā fāsla rakkhā gale milte hue

mere kapḌe dekh le aur apne kapḌe dekh le

kis ne kitna fasla rakkha gale milte hue

mere kapDe dekh le aur apne kapDe dekh le

qurbatoñ ke charāġh gul kar ke

fāsloñ ke diye jalā.ūñgā

qurbaton ke charagh gul kar ke

faslon ke diye jalaunga

sāmne baiThī huī thī aur merā dil na thā

phone par hī us se itnā pyaar kar baiThā thā maiñ

samne baiThi hui thi aur mera dil na tha

phone par hi us se itna pyar kar baiTha tha main

baḳht-e-bad kī nā-rasā.ī kā gila kyā kījiye

kārvāñ manzil pe hai aur duur haiñ manzil se ham

baKHt-e-bad ki na-rasai ka gila kya kijiye

karwan manzil pe hai aur dur hain manzil se hum