jin se mil kar zindagii se ishq ho jaa.e vo log aap ne shaayad na dekhe ho.n magar aise bhii hai.n

yahii nahii.n ki miraa dil hii mere bas me.n na thaa jo tuu milaa to me.n KHud apnii dastaras me.n na thaa ba-naam-e-ahd-e-rifaaqat bhii ham-qadam na hu.aa ye hausla mire ma.asuum ham-nafas me.n na thaa ajiib sehr kaa aalam thaa us kii qurbat me.n vo mere paas thaa aur merii dastaras me.n na thaa na jaane qaafila-e-ahl-e-dil pe kyaa guzrii ye iztiraab kabhii naala-e-jaras me.n na thaa KHabar to hogii tujhe tere jaa.n-nisaaro.n me.n ko.ii to thaa sar-e-maqtal jo pesh-o-pas me.n na thaa 'suruur' apne chaman kii fazaa hai kyaa kahiye sukuut kaa to vo aalam hai jo qafas me.n na thaa