ham vo āḳhrī nasl haiñ jis ne baap se māreñ khaa.ī haiñ

ham vo pahlī nasl haiñ jo apnī aulād se Dartī hai

hum wo aaKHri nasl hain jis ne bap se maren khai hain

hum wo pahli nasl hain jo apni aulad se Darti hai

kitne achchhe haiñ mire ghar ke purāne bartan

chhat Tapaktī hai to kīchaḌ nahīñ hone dete

kitne achchhe hain mere ghar ke purane bartan

chhat Tapakti hai to kichaD nahin hone dete

be-gharī bā'is-e-taskīn bhī hai mere liye

merī aulād virāsat pe nahīñ jhagḌegī

be-ghari ba'is-e-taskin bhi hai mere liye

meri aulad wirasat pe nahin jhagDegi

ham vo mahrūm-e-tamannā ki bharī duniyā meñ

apne hisse kī mohabbat bhī nahīñ kar paa.e

hum wo mahrum-e-tamanna ki bhari duniya mein

apne hisse ki mohabbat bhi nahin kar pae

javāñ huī mirī beTī to haath ḳhālī haiñ

tamām 'umr to bahneñ biyāhtā rahā maiñ

jawan hui meri beTi to hath KHali hain

tamam 'umr to bahnen biyahta raha main