guzārī umr ham ne ābiyārī meñ kisī kī

vo apnā ek kār-e-be-samar thā aur ham the

guzari umr hum ne aabiyari mein kisi ki

wo apna ek kar-e-be-samar tha aur hum the

jab se is dasht meñ aayā huuñ isī soch meñ huuñ

ki bayābān meñ kyā soch kar aatā hai koī

jab se is dasht mein aaya hun isi soch mein hun

ki bayaban mein kya soch kar aata hai koi

ye āsmān hai behtar ki āshiyāñ merā

parind soch rahā hai uḌaan bharte hue

ye aasman hai behtar ki aashiyan mera

parind soch raha hai uDan bharte hue

ye dil-fareb charāġhāñ ye qahqahoñ ke hujūm

maiñ Dar rahā huuñ ab is shahar se guzarte hue

ye dil-fareb charaghan ye qahqahon ke hujum

main Dar raha hun ab is shahar se guzarte hue

zarā sambhlo tumhārī vahshatoñ ke zikr 'salmān'

jahāñ hone nahīñ the ab vahāñ bhī ho rahe haiñ

zara sambhlo tumhaari wahshaton ke zikr 'salman'

jahan hone nahin the ab wahan bhi ho rahe hain