hameñ bhī fāqa-kashī ne kāfir banā diyā hai

ḳhayāl roTī ke aaj sajde meñ aa gaye the

hamein bhi faqa-kashi ne kafir bana diya hai

KHayal roTi ke aaj sajde mein aa gaye the

jis ko māñgā thā 'umr bhar ke liye

vo mujhe 'umr bhar milā hī nahīñ

jis ko manga tha 'umr bhar ke liye

wo mujhe 'umr bhar mila hi nahin

chhoḌā nahīñ hai aaj bhī masrūfiyāt ne

itvār lag rahā hai mujhe piir kī tarah

chhoDa nahin hai aaj bhi masrufiyat ne

itwar lag raha hai mujhe pir ki tarah

burā lagtā hai kyuuñ shikva hamārā

nahīñ shāyad koī rishta hamārā

bura lagta hai kyun shikwa hamara

nahin shayad koi rishta hamara

mujh ko diin thamāyā lekin

ḳhud us ne chamkā lī duniyā

mujh ko din thamaya lekin

KHud us ne chamka li duniya