khilaune vaale kī duniyā 'ajīb duniyā hai

jo ek TuuT gayā dūsrā banātā hai

khilaune wale ki duniya 'ajib duniya hai

jo ek TuT gaya dusra banata hai

un ko sar pe biThānā lāzim hai

jin ke qadmoñ ke nīche jannat ho

un ko sar pe biThana lazim hai

jin ke qadmon ke niche jannat ho

tirī kuchh aaj rangat sāñvlī mā'lūm hotī hai

koī to aah siine meñ dabī mā'lūm hotī hai

teri kuchh aaj rangat sanwli ma'lum hoti hai

koi to aah sine mein dabi ma'lum hoti hai

kuchh vasl ke ādāb haiñ kuchh 'ishq kī rasmeñ

dariyā se gale milne samundar nahīñ jaatā

kuchh wasl ke aadab hain kuchh 'ishq ki rasmen

dariya se gale milne samundar nahin jata

us pe vājib hai āñsuoñ kī zakāt

pass jis ke ġhamoñ kī daulat ho

us pe wajib hai aansuon ki zakat

pass jis ke ghamon ki daulat ho