tujh ko dekhā na tire nāz-o-adā ko dekhā

terī har tarz meñ ik shān-e-ḳhudā ko dekhā

tujh ko dekha na tere naz-o-ada ko dekha

teri har tarz mein ek shan-e-KHuda ko dekha

mujhe kāfir hī batātā hai ye vaa.iz kam-baḳht

maiñ ne bandoñ meñ ka.ī baar ḳhudā ko dekhā

mujhe kafir hi batata hai ye waiz kam-baKHt

main ne bandon mein kai bar KHuda ko dekha

talḳhī tumhāre va.az meñ hai vā.izo magar

dekho to kis maze kī hai talḳhī sharāb meñ

talKHi tumhaare waz mein hai waizo magar

dekho to kis maze ki hai talKHi sharab mein

māneñ jo merī baat murīdān-e-be-riyā

deñ shaiḳh ko kafan to Dubo kar sharāb meñ

manen jo meri baat muridan-e-be-riya

den shaiKH ko kafan to Dubo kar sharab mein

maa.il ko jānte bhī ho hazrat haiñ ek riñd

kyā e'tibār aap ke roze namāz kā

mail ko jaante bhi ho hazrat hain ek rind

kya e'tibar aap ke roze namaz ka

ishq bhī kyā chiiz hai sahal bhī dushvār hai

un ko idhar dekhnā mujh ko udhar dekhnā

ishq bhi kya chiz hai sahal bhi dushwar hai

un ko idhar dekhna mujh ko udhar dekhna

īmān jaa.e yā rahe jo ho balā se ho

ab to nazar meñ vo but-e-kāfir samā gayā

iman jae ya rahe jo ho bala se ho

ab to nazar mein wo but-e-kafir sama gaya

na ka.aba hī tajallī-gāh Thahrāyā na but-ḳhāna

laḌānā ḳhuub aatā hai tumheñ shaiḳh o barahman ko

na kaba hi tajalli-gah Thahraya na but-KHana

laDana KHub aata hai tumhein shaiKH o barahman ko

mileñ kisī se to bad-nām hoñ zamāne meñ

abhī ga.e haiñ vo mujh ko sunā ke parde meñ

milen kisi se to bad-nam hon zamane mein

abhi gae hain wo mujh ko suna ke parde mein

tauba ke TūTte kā hai 'mā.il' malāl kyuuñ

aisī to hotī rahtī hai akasr shabāb meñ

tauba ke TuTte ka hai 'mail' malal kyun

aisi to hoti rahti hai akasr shabab mein

dil kyā nigāh-e-mast se mai-ḳhāna ban gayā

mazmūn-e-āshiqāna bhī rindāna ban gayā

dil kya nigah-e-mast se mai-KHana ban gaya

mazmun-e-ashiqana bhi rindana ban gaya

tumheñ samjhā.eñ to kyā ham ki shaiḳh-e-vaqt ho maa.il

tum apne aap ko dekho aur ik tifl-e-barhaman ko

tumhein samjhaen to kya hum ki shaiKH-e-waqt ho mail

tum apne aap ko dekho aur ek tifl-e-barhaman ko

azmat-e-ka.aba musallam hai magar but-kada meñ

ek ārām ye kaisā hai ki kuchh duur nahīñ

azmat-e-kaba musallam hai magar but-kada mein

ek aaram ye kaisa hai ki kuchh dur nahin