yād-e-jānāñ utar ke aa.ī hai

shab ke ziine se chāñdnī kī tarah

yaad-e-jaanan utar ke aai hai

shab ke zine se chandni ki tarah

tumhārā lams mo.attar tumhārā jism bahār

yahī to bahs gulāboñ ke rū-ba-rū Thahrī

tumhaara lams moattar tumhaara jism bahaar

yahi to bahs gulabon ke ru-ba-ru Thahri

har ek pal meñ hazāroñ Thahar ga.iiñ sadiyāñ

nasīm-e-sub.h-e-tamannā magar na tū Thahrī

har ek pal mein hazaron Thahar gain sadiyan

nasim-e-subh-e-tamanna magar na tu Thahri

dar-e-firāq pe dam-bhar ko nik.hat-e-saharī

tire ḳhirām kī mānind hū-ba-hū Thahrī

dar-e-firaq pe dam-bhar ko nikhat-e-sahari

tere KHiram ki manind hu-ba-hu Thahri