sar jhukā letā hai laala sharm se

jab jigar ke daaġh dikhlāte haiñ ham

sar jhuka leta hai lala sharm se

jab jigar ke dagh dikhlate hain hum

naza.a meñ gar mirī bālīñ pe tū aayā hotā

is tarah ashk maiñ āñkhoñ meñ na laayā hotā

naza mein gar meri baalin pe tu aaya hota

is tarah ashk main aankhon mein na laya hota

misl-e-ā.īna hai us rashk-e-qamar kā pahlū

saaf idhar se nazar aatā hai udhar kā pahlū

misl-e-aina hai us rashk-e-qamar ka pahlu

saf idhar se nazar aata hai udhar ka pahlu

ġhaflat meñ farq apnī tujh bin kabhū na aayā

ham aap ke na aa.e jab tak ki tū na aayā

ghaflat mein farq apni tujh bin kabhu na aaya

hum aap ke na aae jab tak ki tu na aaya