lafzoñ ke her-pher se bantī nahīñ ġhazal

sheroñ meñ thoḌī garmi-e-jazbāt bhī to ho

lafzon ke her-pher se banti nahin ghazal

sheron mein thoDi garmi-e-jazbaat bhi to ho

aur thoḌā sā bikhar jā.ūñ yahī Thānī hai

zindagī maiñ ne abhī haar kahāñ maanī hai

aur thoDa sa bikhar jaun yahi Thani hai

zindagi main ne abhi haar kahan mani hai

bahut udaas haiñ dīvāreñ ūñche mahloñ kī

ye vo khañDar haiñ ki jin meñ amiir rahte haiñ

bahut udas hain diwaren unche mahlon ki

ye wo khanDar hain ki jin mein amir rahte hain

ḳhud ko kabhī maiñ pā na sakā

jaane kitnā gahrā huuñ

KHud ko kabhi main pa na saka

jaane kitna gahra hun

garche halkā sā dhuñdlakā hai tasavvur bhī tirā

band āñkhoñ ko ye manzar bhī bahut lagtā hai

garche halka sa dhundlaka hai tasawwur bhi tera

band aankhon ko ye manzar bhi bahut lagta hai