terī sūrat ko liye āñkhoñ meñ ab so jā.eñge

zindagī ko yuuñ taḌaptā 'umr bhar dekhegā kaun

teri surat ko liye aankhon mein ab so jaenge

zindagi ko yun taDapta 'umr bhar dekhega kaun

aap be-kār hī karte haiñ fasīleñ ūñchī

ham to āvāz haiñ chhan jā.eñge dīvāroñ se

aap be-kar hi karte hain fasilen unchi

hum to aawaz hain chhan jaenge diwaron se

añdhere meñ añdherā ban ke aayā bhī to kyā hāsil

koī jugnū banā hotā koī taara banā hotā

andhere mein andhera ban ke aaya bhi to kya hasil

koi jugnu bana hota koi tara bana hota

band kamre meñ mujhe qaid kiyā hai kis ne

maiñ huuñ ik chīḳh fazāoñ meñ bikharne do mujhe

band kamre mein mujhe qaid kiya hai kis ne

main hun ek chiKH fazaon mein bikharne do mujhe

sham' tanhā aur parvānoñ kā ġham

zindagī bhar kitne afsānoñ kā ġham

sham' tanha aur parwanon ka gham

zindagi bhar kitne afsanon ka gham