naam un ke chamakte haiñ tārīḳh ke safhoñ par

jo log zamāne kī taqdīr badalte haiñ

nam un ke chamakte hain tariKH ke safhon par

jo log zamane ki taqdir badalte hain

jo musāfir hai use kyā dhuup kī shiddat kā ġham

sar pe saa.e ke liye maañ kī du'ā le jā.egā

jo musafir hai use kya dhup ki shiddat ka gham

sar pe sae ke liye man ki du'a le jaega

saaqī tirī mahfil kā ye dastūr bhī dekhā

chhalkā.e koī jaam koī buuñd ko tarse

saqi teri mahfil ka ye dastur bhi dekha

chhalkae koi jam koi bund ko tarse

mafhūm-e-dostī se agar āshnā haiñ aap

dushman ko bhī ba-chashm-e-hiqārat na dekhiye

mafhum-e-dosti se agar aashna hain aap

dushman ko bhi ba-chashm-e-hiqarat na dekhiye

jurm kis kā hai kaun mujrim hai

aur hotā hai sar qalam kis kā

jurm kis ka hai kaun mujrim hai

aur hota hai sar qalam kis ka