ufuq ke āḳhirī manzar meñ jagmagā.ūñ maiñ

hisār-e-zāt se niklūñ to ḳhud ko pā.ūñ maiñ

ufuq ke aaKHiri manzar mein jagmagaun main

hisar-e-zat se niklun to KHud ko paun main

kuchh ta'alluq bhī nahīñ rasm-e-jahāñ se aage

us se rishta bhī rahā vahm o gumāñ se aage

kuchh ta'alluq bhi nahin rasm-e-jahan se aage

us se rishta bhi raha wahm o guman se aage

zamīr o zehn meñ ik sard jañg jaarī hai

kise shikast duuñ aur kis pe fat.h pā.ūñ maiñ

zamir o zehn mein ek sard jang jari hai

kise shikast dun aur kis pe fath paun main

koī sadā koī āvāza-e-jaras hī sahī

koī bahāna ki ham jaañ nisār karte raheñ

koi sada koi aawaza-e-jaras hi sahi

koi bahana ki hum jaan nisar karte rahen

kis se maiñ un kā Thikānā pūchhtā

sāmne ḳhālī makāñ thā aur maiñ

kis se main un ka Thikana puchhta

samne KHali makan tha aur main