jañgal jangal aag lagī hai dariyā dariyā paanī hai

nagrī nagrī thaah nahīñ hai log bahut ghabrā.e haiñ

jangal jangal aag lagi hai dariya dariya pani hai

nagri nagri thah nahin hai log bahut ghabrae hain

kunj-e-qafas hī jis kā muqaddar huā 'jamīl'

us kī nazar meñ daur-e-ḳhizāñ kyā bahār kyā

kunj-e-qafas hi jis ka muqaddar hua 'jamil'

us ki nazar mein daur-e-KHizan kya bahaar kya

sabr kī aañch se patthar bhī pighal jaatā hai

but bane aaj vo baiThe haiñ sirhāne mere

sabr ki aanch se patthar bhi pighal jata hai

but bane aaj wo baiThe hain sirhane mere

jhuuT kā Dañkā bajtā thā jis vaqt 'jamīl' is nagrī meñ

har raste har moḌ pe ham ne sach ke alam lahrā.e haiñ

jhuT ka Danka bajta tha jis waqt 'jamil' is nagri mein

har raste har moD pe hum ne sach ke alam lahrae hain

mirī taqdīr meñ shāyad koī ta.abīr nahīñ

rah ga.e yuuñ hī dhare ḳhvāb suhāne mere

meri taqdir mein shayad koi tabir nahin

rah gae yun hi dhare KHwab suhane mere