pyaar kā pahlā ḳhat likhne meñ vaqt to lagtā hai

na.e parindoñ ko uḌne meñ vaqt to lagtā hai

pyar ka pahla KHat likhne mein waqt to lagta hai

nae parindon ko uDne mein waqt to lagta hai

kuchh aur sabaq ham ko zamāne ne sikhā.e

kuchh aur sabaq ham ne kitāboñ meñ paḌhe the

kuchh aur sabaq hum ko zamane ne sikhae

kuchh aur sabaq hum ne kitabon mein paDhe the

dil meñ jo mohabbat kī raushnī nahīñ hotī

itnī ḳhūbsūrat ye zindagī nahīñ hotī

dil mein jo mohabbat ki raushni nahin hoti

itni KHubsurat ye zindagi nahin hoti

vo jo qisse meñ thā shāmil vahī kahtā hai mujhe

mujh ko ma.alūm nahīñ yaar ye qissa kyā hai

wo jo qisse mein tha shamil wahi kahta hai mujhe

mujh ko malum nahin yar ye qissa kya hai

kahīñ ḳhulūs kahīñ dostī kahīñ pe vafā

baḌe qarīne se ghar ko sajā ke rakhte haiñ

kahin KHulus kahin dosti kahin pe wafa

baDe qarine se ghar ko saja ke rakhte hain

rāhat roTī aasrā nīndeñ davā qamīz

aaj mohabbat bhī huī sapnoñ vaalī chiiz

rahat roTi aasra ninden dawa qamiz

aaj mohabbat bhi hui sapnon wali chiz

dhīre dhīre ho ga.ī ye itnī bad-rañg

jīvan kī poshāk kā bhūle aslī rañg

dhire dhire ho gai ye itni bad-rang

jiwan ki poshak ka bhule asli rang