bas yahī soch ke rahtā huuñ maiñ zinda is meñ

ye mohabbat hai koī mar nahīñ saktā is meñ

bas yahi soch ke rahta hun main zinda is mein

ye mohabbat hai koi mar nahin sakta is mein

jis parī par mar miTe the vo parī-zādī na thī

ba.ad meñ jaanā ki us ke donoñ par hote the ham

jis pari par mar miTe the wo pari-zadi na thi

baad mein jaana ki us ke donon par hote the hum

maiñ apnī ḳhushiyāñ akele manāyā kartā huuñ

yahī vo ġham hai jo tujh se chhupā huā hai mirā

main apni KHushiyan akele manaya karta hun

yahi wo gham hai jo tujh se chhupa hua hai mera

terā bosa aisā pyāla hai jis meñ se

paanī piine vaalā pyāsā rah jā.egā

tera bosa aisa pyala hai jis mein se

pani pine wala pyasa rah jaega

vo kyā ḳhushī thī jo dil meñ bahāl rahtī thī

magar vaj.h nahīñ bantī thī muskurāne kī

wo kya KHushi thi jo dil mein bahaal rahti thi

magar wajh nahin banti thi muskurane ki