apne hī aks kā chakkar to nahīñ chāroñ taraf

ki nazar aate haiñ ab ḳhud ko hamīñ chāroñ taraf

apne hi aks ka chakkar to nahin chaaron taraf

ki nazar aate hain ab KHud ko hamin chaaron taraf

milne diyā na us se hameñ jis ḳhayāl ne

sochā to us ḳhayāl se sadma bahut huā

milne diya na us se hamein jis KHayal ne

socha to us KHayal se sadma bahut hua

shāyad ki rihā.ī ho gul hī kī zamānat par

ham mauj-e-tabassum kī zanjīr ke qaidī haiñ

shayad ki rihai ho gul hi ki zamanat par

hum mauj-e-tabassum ki zanjir ke qaidi hain

use bhulāyā to apnā ḳhayāl bhī na rahā

ki merā saarā asāsa isī makān meñ thā

use bhulaya to apna KHayal bhi na raha

ki mera sara asasa isi makan mein tha

yuuñ to bahut hai mushkil band-e-qabā kā khulnā

jo khul gayā to phir ye uqda khulā rahegā

yun to bahut hai mushkil band-e-qaba ka khulna

jo khul gaya to phir ye uqda khula rahega