un se mire nasīb kā chakkar banā diyā

kuchh gardisheñ jo bach rahīñ lail-o-nahār se

un se mere nasib ka chakkar bana diya

kuchh gardishen jo bach rahin lail-o-nahaar se

pahuñchī hai ḳhāk-e-āshiq-e-barbād arsh par

ūñchā agar ġhubār huā hai kabhī kabhī

pahunchi hai KHak-e-ashiq-e-barbaad arsh par

uncha agar ghubar hua hai kabhi kabhi

siikh le ham se jabīñ-sā.ī-e-ka.aba zāhid

ham ko aatā hai dar-e-yār pe sajda karnā

sikh le hum se jabin-sai-e-kaba zahid

hum ko aata hai dar-e-yar pe sajda karna

ise piite haiñ āñkheñ band karke baada kash zāhid

nigāhoñ se ye shīshe kī parī dekhī nahīñ jaatī

ise pite hain aankhen band karke baada kash zahid

nigahon se ye shishe ki pari dekhi nahin jati

va.ada-e-be-vafā vafā na huā

mujh ko is e'tibār ne maarā

wada-e-be-wafa wafa na hua

mujh ko is e'tibar ne mara