hañsā karte haiñ akasr log dīvānoñ kī bātoñ par

jahāñ vaale nahīñ samjhe mohabbat kī zabāñ shāyad

hansa karte hain akasr log diwanon ki baaton par

jahan wale nahin samjhe mohabbat ki zaban shayad

agar terī tarah tablīġh kartā pīr-e-mai-ḳhāna

to duniyā-bhar meñ vaa.iz mai-kashī hī mai-kashī hotī

agar teri tarah tabligh karta pir-e-mai-KHana

to duniya-bhar mein waiz mai-kashi hi mai-kashi hoti

sard-mehrī se tirī garmī-e-ulfat na rahī

dil meñ uThtā thā jo har-dam vo sharāra bhī gayā

sard-mehri se teri garmi-e-ulfat na rahi

dil mein uThta tha jo har-dam wo sharara bhi gaya

ek hī chiiz hai parde meñ ki bairūn-e-hijāb

mujh ko zāhir bhī kiyā ḳhud ko chhupāyā bhī gayā

ek hi chiz hai parde mein ki bairun-e-hijab

mujh ko zahir bhi kiya KHud ko chhupaya bhi gaya

rah-e-vafā meñ unhīñ kī ḳhushī kī baat karo

vo zindagī haiñ to phir zindagī kī baat karo

rah-e-wafa mein unhin ki KHushi ki baat karo

wo zindagi hain to phir zindagi ki baat karo