ai junūñ phir mire sar par vahī shāmat aa.ī

phir phañsā zulfoñ meñ dil phir vahī aafat aa.ī

ai junun phir mere sar par wahi shamat aai

phir phansa zulfon mein dil phir wahi aafat aai

bīmār-e-ġham kī chāragarī kuchh zarūr hai

vo dard dil meñ de ki masīhā kaheñ jise

bimar-e-gham ki chaaragari kuchh zarur hai

wo dard dil mein de ki masiha kahen jise

ishq kahtā hai do-ālam se judā ho jaao

husn kahtā hai jidhar jaao nayā aalam hai

ishq kahta hai do-alam se juda ho jao

husn kahta hai jidhar jao naya aalam hai

lab-e-nāzuk ke bose luuñ to missī muñh banātī hai

kaf-e-pā ko agar chūmūñ to mehñdī rañg laatī hai

lab-e-nazuk ke bose lun to missi munh banati hai

kaf-e-pa ko agar chumun to mehndi rang lati hai

vo yahāñ tak jo aa nahīñ sakte

kyā mujhe bhī bulā nahīñ sakte

wo yahan tak jo aa nahin sakte

kya mujhe bhi bula nahin sakte