ai junun phir mere sar par wahi shamat aai
ai junūñ phir mire sar par vahī shāmat aa.ī
phir phañsā zulfoñ meñ dil phir vahī aafat aa.ī
mar ke bhī jazb-e-dil-e-qais meñ tāsīr ye thī
ḳhaak uḌātī huī lailā sar-e-turbat aa.ī
masjideñ shahr kī ai pīr-e-muġhāñ ḳhālī haiñ
mai-kade meñ to jamā.at kī jamā.at aa.ī
vo hai khiḌkī meñ udhar bhiiḌ nazar-bāzoñ kī
aaj us kūche meñ sunte haiñ qayāmat aa.ī
kabhī jī bhar ke vatan meñ na rahe ham 'āsī'
roz-e-mīlād se taqdīr meñ ġhurbat aa.ī
ai junun phir mere sar par wahi shamat aai
phir phansa zulfon mein dil phir wahi aafat aai
mar ke bhi jazb-e-dil-e-qais mein tasir ye thi
KHak uDati hui laila sar-e-turbat aai
masjiden shahr ki ai pir-e-mughan KHali hain
mai-kade mein to jamaat ki jamaat aai
wo hai khiDki mein udhar bhiD nazar-bazon ki
aaj us kuche mein sunte hain qayamat aai
kabhi ji bhar ke watan mein na rahe hum 'asi'
roz-e-milad se taqdir mein ghurbat aai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
