tujh se judā hue to tirī yaad baḌh ga.ī

āzād ho ke qaid kī mī'ād baḌh ga.ī

tujh se juda hue to teri yaad baDh gai

aazad ho ke qaid ki mi'ad baDh gai

tū ḳhvāb hī meñ sahī aa ke ḳhud javāb to de

bujhī bujhī sī mirī aarzū ko aab to de

tu KHwab hi mein sahi aa ke KHud jawab to de

bujhi bujhi si meri aarzu ko aab to de

na chheḌ ai shaiḳh ham yūñhī bhale chal raah lag apnī

tujhe to bīviyāñ sūjhī haiñ ham bezār baiThe haiñ

na chheD ai shaiKH hum yunhi bhale chal rah lag apni

tujhe to biwiyan sujhi hain hum bezar baiThe hain

thā jis pe naaz kabhī ab vo aarzū na rahī

niyāz-e-'ishq kī pahlī sī aabrū na rahī

tha jis pe naz kabhi ab wo aarzu na rahi

niyaz-e-'ishq ki pahli si aabru na rahi

vo bulāte to haiñ mujh ko magar ai jazba-e-dil

shauq itnā bhī na baḌh jaa.e ki jaa.e na bane

wo bulate to hain mujh ko magar ai jazba-e-dil

shauq itna bhi na baDh jae ki jae na bane