yaadon ke mazar

sho'la-e-ruḳhsār tirā bujh gayā

jaa.e bahalne ko mirā dil kahāñ

hausle tārīk agar ho gaye

pyaar mirā pā.egā manzil kahāñ

chāñd bhī thā maañd tire sāmne

uff vo tire husn kī tābindagī

lag na sakī apnī palak se palak

jāgte guzrī hai mirī zindagī

aañkh to lagtī nahīñ ab bhī magar

ab vo taḌap ruuh meñ shāmil kahāñ

ziist ke jis nauha-kunāñ moḌ par

ho gaye bā-dīda-e-tar ham judā

aaj bhī aatī hai vahāñ chāñdnī

pūchhne logoñ se hamārā patā

ab vo kahāñ qahqahe jazbāt ke

aaj vo guzrī huī mahfil kahāñ

aatī thī ik mauj-e-havādis kabhī

tujh ko bhī jo saath bahā le ga.ī

kaun se gul-rang jazīre haiñ vo

jis meñ havā tujh ko uḌā le ga.ī

mujh ko tirī aaj bhī hai justujū

par mirī taqdīr meñ sāhil kahāñ

sho'la-e-ruKHsar tera bujh gaya

jae bahalne ko mera dil kahan

hausle tarik agar ho gaye

pyar mera paega manzil kahan

chand bhi tha mand tere samne

uff wo tere husn ki tabindagi

lag na saki apni palak se palak

jagte guzri hai meri zindagi

aankh to lagti nahin ab bhi magar

ab wo taDap ruh mein shamil kahan

zist ke jis nauha-kunan moD par

ho gaye ba-dida-e-tar hum juda

aaj bhi aati hai wahan chandni

puchhne logon se hamara pata

ab wo kahan qahqahe jazbaat ke

aaj wo guzri hui mahfil kahan

aati thi ek mauj-e-hawadis kabhi

tujh ko bhi jo sath baha le gai

kaun se gul-rang jazire hain wo

jis mein hawa tujh ko uDa le gai

mujh ko teri aaj bhi hai justuju

par meri taqdir mein sahil kahan