shikayat

ye tum ne kyā likhā

maiñ ne tumheñ dil se bhulā Daalā

tumheñ to yaad hogā

bichhaḌte vaqt tum ne hī kahā thā

agar tum chāhte ho ye

tumhāre aur mere darmiyāñ

ye rishta umr bhar yūñhī rahe qaa.em

to in lafzoñ se yūñhī dostī rakhnā

kabhī fursat mile to aao aur dekho

meñ ab bhī lafz likhtā huuñ

meñ in lafzoñ meñ jiitā aur martā huuñ

meñ in lafzoñ meñ apnā ġham

kuchh is sūrat samotā huuñ

ki merā ġham bhī sab ko

apnā ġham ma.alūm hotā hai

tumheñ fursat mile to aao aur dekho

mirī sāñsoñ meñ basne vaalā ik pal bhī

tumhāre zikr se ḳhālī nahīñ hotā

ye tum ne kya likha

main ne tumhein dil se bhula Dala

tumhein to yaad hoga

bichhaDte waqt tum ne hi kaha tha

agar tum chahte ho ye

tumhaare aur mere darmiyan

ye rishta umr bhar yunhi rahe qaem

to in lafzon se yunhi dosti rakhna

kabhi fursat mile to aao aur dekho

mein ab bhi lafz likhta hun

mein in lafzon mein jita aur marta hun

mein in lafzon mein apna gham

kuchh is surat samota hun

ki mera gham bhi sab ko

apna gham malum hota hai

tumhein fursat mile to aao aur dekho

meri sanson mein basne wala ek pal bhi

tumhaare zikr se KHali nahin hota