nazm
zindagānī ke sab se hasīñ baab meñ
jaise ik ḳhvāb meñ
tum mile the hameñ ḳhushbuoñ kī tarah
aur phir uḌ ga.e jugnuoñ kī tarah
zindagānī ke sab se hasīñ moḌ par
dil-nashīñ moḌ par
tum mile the hameñ ham-safar kī tarah
aur phir chal diye zaḳhma-gar kī tarah
zindagānī ke sab se hasīñ ruup meñ
ātishīñ dhuup meñ
tum mile the hameñ sā.ebāñ kī tarah
aur bichhḌe to āzār-e-jāñ kī tarah
zindagani ke sab se hasin bab mein
jaise ek KHwab mein
tum mile the hamein KHushbuon ki tarah
aur phir uD gae jugnuon ki tarah
zindagani ke sab se hasin moD par
dil-nashin moD par
tum mile the hamein ham-safar ki tarah
aur phir chal diye zaKHma-gar ki tarah
zindagani ke sab se hasin rup mein
aatishin dhup mein
tum mile the hamein saeban ki tarah
aur bichhDe to aazar-e-jaan ki tarah
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
