wajud-o-adam ki athah kaun jaane

sahīfoñ meñ utre vo siddīq qisse

jo āġhāz-e-tārīḳh kahte haiñ lekin

sin-o-sāl koī batāte nahīñ haiñ

so āġhāz-o-anjām apne jahāñ ke sabhī be-sin-o-sāl Thahre

to ham apne lamhoñ ko kyuuñ gin rahe haiñ

zamān-o-makāñ kī hadoñ se guzar kar agar sochte tum

to tum ko azal se abad tak nazartā

ki ham ne jin āñkhoñ ko ab tak talāshā

vo alvāh-e-sangīñ pe marqūm kab haiñ

ye she'r-o-suḳhan ke hurūf-e-ġhunūda

usī gurg-e-kohna kī chālākiyāñ haiñ

jo siine kī qausīna haDDiyoñ meñ baiThā

chalātā hai terī mirī āsiyā-e-lahū ko

vo yak-musht ḳhūñbār vo ġham-kashīda

dil-e-nā-rasīda

sahifon mein utre wo siddiq qisse

jo aaghaz-e-tariKH kahte hain lekin

sin-o-sal koi batate nahin hain

so aaghaz-o-anjam apne jahan ke sabhi be-sin-o-sal Thahre

to hum apne lamhon ko kyun gin rahe hain

zaman-o-makan ki hadon se guzar kar agar sochte tum

to tum ko azal se abad tak nazarta

ki hum ne jin aankhon ko ab tak talasha

wo alwah-e-sangin pe marqum kab hain

ye she'r-o-suKHan ke huruf-e-ghunuda

usi gurg-e-kohna ki chaalakiyan hain

jo sine ki qausina haDDiyon mein baiTha

chalata hai teri meri aasiya-e-lahu ko

wo yak-musht KHunbar wo gham-kashida

dil-e-na-rasida