TuTti qadron ka dard

zehn maflūj hai

ruuh bechain hai

aur ehsās meñ aag hī aag hai

dil kī duniyā hai vīrān kuchh is tarah

jaise ik maqbara

jo ḳhud apne ta'affun meñ lipTā huā

apne hī aap se saḳht bezār hai

kuchh savālāt haiñ jin se do-chār hai

zindagī sar-barahna bhaTaktī hai kyuuñ

ādmiyyat kafan oḌhe soī hai kyuuñ

jism-o-jāñ ārzūoñ ke jangal meñ haiñ

ḳhud-sarī ke ḳhatarnāk daldal meñ haiñ

koī insāniyat kā pujārī nahīñ

ab kahīñ maz.habī dost-dārī nahīñ

ab ḳhudā kī 'atā raushnī ke payambar nahīñ ā.eñge

ḳhud-ravī ke añdhere meñ gum ho gaye

vo sabhī falsafe

jo sikhāte rahe ādmiyyat kā fan

zindagī kā chalan

zehn mafluj hai

ruh bechain hai

aur ehsas mein aag hi aag hai

dil ki duniya hai viran kuchh is tarah

jaise ek maqbara

jo KHud apne ta'affun mein lipTa hua

apne hi aap se saKHt bezar hai

kuchh sawalat hain jin se do-chaar hai

zindagi sar-barahna bhaTakti hai kyun

aadmiyyat kafan oDhe soi hai kyun

jism-o-jaan aarzuon ke jangal mein hain

KHud-sari ke KHatarnak daldal mein hain

koi insaniyat ka pujari nahin

ab kahin mazhabi dost-dari nahin

ab KHuda ki 'ata raushni ke payambar nahin aaenge

KHud-rawi ke andhere mein gum ho gaye

wo sabhi falsafe

jo sikhate rahe aadmiyyat ka fan

zindagi ka chalan