gazidgi

ai havā-e-ḳhitta-e-reshmīñ

tujhe kyā ḳhabar tire baa'd kaisī qayāmateñ

dil-e-be-sukūñ pe guzar ga.iiñ

ai sadā-e-soz-e-girāñ-bahā

tirī dūriyoñ ke fishār se ye samā'ateñ

nam-e-be-kinār se bhar ga.iiñ

ai yaqīn-e-daulat-e-ḳhush-dilī

tū gayā to rang-o-jamāl kī sabhī raunaqeñ

tire saath saath bikhar ga.iiñ

ai fusūn-e-rāhat-e-dilzadāñ

tū bujhā to husn-e-ḳhayāl-o-fikr kī nik.hateñ

sar-e-shāḳh-e-shauq hī mar ga.iiñ

tujhe kyā ḳhabar

tire baa'd tere yaqīñ-gazīdoñ pe kyā banī

ai hawa-e-KHitta-e-reshmin

tujhe kya KHabar tere ba'd kaisi qayamaten

dil-e-be-sukun pe guzar gain

ai sada-e-soz-e-giran-baha

teri duriyon ke fishaar se ye sama'aten

nam-e-be-kinar se bhar gain

ai yaqin-e-daulat-e-KHush-dili

tu gaya to rang-o-jamal ki sabhi raunaqen

tere sath sath bikhar gain

ai fusun-e-rahat-e-dilzadan

tu bujha to husn-e-KHayal-o-fikr ki nikhaten

sar-e-shaKH-e-shauq hi mar gain

tujhe kya KHabar

tere ba'd tere yaqin-gazidon pe kya bani