abr

kal the jis shāḳh par ġhazal-ḳhvāñ ham

dekh kar megh ko havā pe savār

tan badan meñ hasīñ malāroñ ke

aañch sī naach naach jaatī thī

jhūle sajte the peñg paḌtī thī

ang kā naqsha pairahan kā surūr

shāḳh-dar-shāḳh 'aam hotā thā

pyaar kā ehtimām hotā thā

aaj jis shāḳh par baserā hai

dekh kar āsmāñ ke āñgan meñ

baal khole hue ghaTāoñ ko

nāginoñ kā sarūp ubhartā hai

dil kā aivān Dol jaatā hai

zehn meñ ḳhuun reñg paḌtā hai

sāya-e-marg sarsarātā hai

āshiyāñ kyā badal gayā apnā

manzaroñ kī nigāh bhī badlī

mausamoñ kā mazāq bhī badlā

kal the jis shaKH par ghazal-KHwan hum

dekh kar megh ko hawa pe sawar

tan badan mein hasin malaron ke

aanch si nach nach jati thi

jhule sajte the peng paDti thi

ang ka naqsha pairahan ka surur

shaKH-dar-shaKH 'am hota tha

pyar ka ehtimam hota tha

aaj jis shaKH par basera hai

dekh kar aasman ke aangan mein

baal khole hue ghaTaon ko

naginon ka sarup ubharta hai

dil ka aiwan Dol jata hai

zehn mein KHun reng paDta hai

saya-e-marg sarsaraata hai

aashiyan kya badal gaya apna

manzaron ki nigah bhi badli

mausamon ka mazaq bhi badla