sachcha jhuT
kaun kahtā hai havā be-rang hai
kaun kahtā hai ki rangoñ kī nahīñ koī sadā
shaam kī maddham havā ne aaj jab
us ke ruḳhsāroñ ko chūmā , us ke āñchal ko chhuā
aur us ne muskurā kar apnā sar
mere siine se lagāyā , mere shānoñ par dharā
maiñ ne dekhā
us ghaḌī rang-e-havā
aarzū kī qaus ke mānind gahrā surḳh thā
aur jab mere badan ke lams se
us kā āñchal us ke shānoñ se girā
rang pāyal kī tarah chhanke havā ne taal dī
gungunā uTThī shafaq bolā 'ufuq nāchī fazā
dil kī har dhaḌkan pakhāvaj kī tarah bajne lagī
ruuh kā har raag rangoñ kī sadā se bhar gayā
kaun kahtā hai havā be-rang hai
kaun kahtā hai ki rangoñ kī nahīñ koī sadā
kaun kahta hai hawa be-rang hai
kaun kahta hai ki rangon ki nahin koi sada
sham ki maddham hawa ne aaj jab
us ke ruKHsaron ko chuma , us ke aanchal ko chhua
aur us ne muskura kar apna sar
mere sine se lagaya , mere shanon par dhara
main ne dekha
us ghaDi rang-e-hawa
aarzu ki qaus ke manind gahra surKH tha
aur jab mere badan ke lams se
us ka aanchal us ke shanon se gira
rang payal ki tarah chhanke hawa ne tal di
gunguna uTThi shafaq bola 'ufuq nachi faza
dil ki har dhaDkan pakhawaj ki tarah bajne lagi
ruh ka har rag rangon ki sada se bhar gaya
kaun kahta hai hawa be-rang hai
kaun kahta hai ki rangon ki nahin koi sada
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
