eid milan ke mauqea par

merī dānist meñ ham-jins haiñ holī aur eid

donoñ haiñ lutf-o-masarrat ke liye roz-e-sa.īd

aam hai aaj mulāqāt nahīñ farq kā kaam

vā hai āġhosh-e-mohabbat na sahī dīd-o-shunīd

fazl-e-bārī se jo kal shaam huī chāñd kī diid

aa ga.ī haath haqīqat meñ masarrat kī kalīd

dīd-e-aqdas se huī ain ḳhushī kī taulīd

ġhaib se dil ko huī jazb-e-vafā kī tākīd

aaj hotī hai na.e sar se vafā kī tajdīd

ye milan eid kā hai qufl-e-mohabbat kī kalīd

aaj hotī hai hasad buġhz-o-jafā kī tardīd

is liye ahl-e-vatan sab ko mubārak ho eid

ye haqīqat hai ki hai aaj kā din roz-e-sa.īd

dil se dil miltā hai hotī hai vafā kī tajdīd

ye nazāra bhī mulāqāt kā hai qābil-e-dīd

lutf-dar-lutf hai har lutf hai ik lutf-e-mazīd

meri danist mein ham-jins hain holi aur eid

donon hain lutf-o-masarrat ke liye roz-e-said

aam hai aaj mulaqat nahin farq ka kaam

wa hai aaghosh-e-mohabbat na sahi did-o-shunid

fazl-e-bari se jo kal sham hui chand ki did

aa gai hath haqiqat mein masarrat ki kalid

did-e-aqdas se hui ain KHushi ki taulid

ghaib se dil ko hui jazb-e-wafa ki takid

aaj hoti hai nae sar se wafa ki tajdid

ye milan eid ka hai qufl-e-mohabbat ki kalid

aaj hoti hai hasad bughz-o-jafa ki tardid

is liye ahl-e-watan sab ko mubarak ho eid

ye haqiqat hai ki hai aaj ka din roz-e-said

dil se dil milta hai hoti hai wafa ki tajdid

ye nazara bhi mulaqat ka hai qabil-e-did

lutf-dar-lutf hai har lutf hai ek lutf-e-mazid