alwidaa

alvidā.a

kaise māh-o-sāl guzre

ab na kuchh bhī yaad hai

sirf haiñ dhuñdle nuqūsh

yā basārat kī kamī hai

kuchh nazar aatā nahīñ

bas kitāboñ aur filmoñ meñ rahī

ik basīrat kī talāsh

kuchh na kuchh roTī kī bhī thī justujū

jaane kis manzil kī thī vo aarzū

be-sabab logoñ se yārāna rahā

aur phir tanhā rahā barsoñ talak

sab the qaidī apne apne jaal ke

tamannāoñ kī daldal meñ paḌe

kis meñ himmat thī ki badle zindagānī ke purāne ḳhol ko

ham se sarkash ko diyā karte the naam

aur hañs kar ḳhush huā karte saare ajnabī

kaun samjhā.e ki ham mahkūm haiñ mazlūm haiñ

bebasī kaise muqaddar ban ga.ī

bolegā kaun

ḳhauf aisā hai ki koī shaḳhs kuchh kahtā nahīñ

jaane kis tūfān ke sab muntazir haiñ

but bane

kaise chillā.ūñ ki apnā ham-navā koī nahīñ

alvidā.a ḳhud apne saa.e ko magar

kahnā paḌā

alwidaa

kaise mah-o-sal guzre

ab na kuchh bhi yaad hai

sirf hain dhundle nuqush

ya basarat ki kami hai

kuchh nazar aata nahin

bas kitabon aur filmon mein rahi

ek basirat ki talash

kuchh na kuchh roTi ki bhi thi justuju

jaane kis manzil ki thi wo aarzu

be-sabab logon se yarana raha

aur phir tanha raha barson talak

sab the qaidi apne apne jal ke

tamannaon ki daldal mein paDe

kis mein himmat thi ki badle zindagani ke purane KHol ko

hum se sarkash ko diya karte the nam

aur hans kar KHush hua karte sare ajnabi

kaun samjhae ki hum mahkum hain mazlum hain

bebasi kaise muqaddar ban gai

bolega kaun

KHauf aisa hai ki koi shaKHs kuchh kahta nahin

jaane kis tufan ke sab muntazir hain

but bane

kaise chillaun ki apna ham-nawa koi nahin

alwidaa KHud apne sae ko magar

kahna paDa